اسلام آباد سمیت ملک کے بیشتر علاقے شدید دھند کی لپیٹ میں رہیں گے، شہریوں کو محتاط رہنے کی ہدایت

محکمہ موسمیات نے کہا ہے کہ آئندہ چندروز کے دوران پنجاب، خیبرپختونخوا اور بالائی سندھ کے میدانی علاقے اور اسلام آباد شدید دھندکی لپیٹ میں رہیں گے، جس کے باعث پنجاب کے بیشتر علاقوں میں دن کا درجہ حرارت معمول سے کم رہے گا۔ شہریوں کو محتاط رہنے ضرورت ہے۔

محکمہ موسمیات کے مطابق پیر کو ملک کے بیشتر میدانی علاقوں میں موسم سرد اور خشک جبکہ شمالی علاقوں اورشمالی بلوچستان میں شدید سرد رہے گا۔

اسلام آباد، پنجاب، خیبر پختونخوا کے میدانی علاقوں اور بالائی سندھ میں شدیددھند، سموگ چھائی رہے گی۔

کشمیر میں صبح کے اوقات میں بعض مقامات پر کُہر پڑنے کا امکان ہے۔گزشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد رہا۔

اسلام آباد، خطہ پوٹھوہار، پنجاب، بالائی سندھ اورخیبر پختونخوا کے میدانی علاقے شدید دھند  کی لپیٹ میں رہے۔

اتوار کو جن علاقوں میں کم سے کم درجہ حرات ریکارڈ کیا گیا ان میں لہہ منفی 12، اسکردومنفی09، گلگت، استور، کالام منفی 06 اور سری نگر میں منفی 05 ڈگری سینٹی گریڈ ریکارڈ کیا گیا۔