بھارت کی ٹینس ٹیم ڈیوس کپ میں شرکت کے لیے پاکستان پہنچ گئی ہے۔
بھارت کی ٹیم ڈیوس کپ گروپ ون ٹائی کھیلنے کے لیے پاکستان پہنچی ہے۔
بھارت کی ٹیم نجی ایئرلائن کے ذریعے اسلام آباد پہنچی جہاں پاکستان ٹینس فیڈریشن کے حکام نے ایئرپورٹ پر ان کا استقبال کیا۔
پاکستان پہنچنے والی بھارتی ٹیم میں 5 پلیئرز اور 5 آفیشلز شامل ہیں۔ 2 روزہ پاک بھارت ڈیوس کپ ٹائی کا آغاز 3 فروری سے پاکستان اسپورٹس کمپلیکس اسلام آباد میں ہوگا۔
واضح رہے کہ اس سے قبل بھارتی ٹینس ٹیم 1964 میں آخری بار پاکستان آئی تھی اور اب 60 سال بعد پاکستان کا دورہ کر رہی ہے۔
