کراچی میں الیکشن کمیشن آف پاکستان کے دفتر کے باہر بم دھماکے کا مقدمہ سی ٹی ڈی تھانے میں انسداد دہشتگردی ایکٹ کے تحت درج کر لیا گیا۔
الیکشن کمیشن کے دفتر کے باہر بم دھماکے کا مقدمہ سرکار کی مدعیت میں درج کیا گیا ہے۔
مزید پڑھیں
تھانہ سی ٹی ڈی میں درج مقدمے کے متن کے مطابق جمعہ کی رات 8 بجے الیکشن کمیشن کے دفتر کے سامنے فٹ پاتھ پر دھماکا ہوا۔ جس کے بعد فوری بم ڈسپوزل اسکواڈ کو طلب کیا گیا۔
مقدمے کے متن کے مطابق بم ڈسپوزل یونٹ نے کارروائی عمل میں لاتے ہوئے شواہد اکٹھے کیے۔
مقدمے کے متن میں درج ہے کہ دہشتگردی کی نیت سے ٹائم ڈیوائس کے ذریعے دھماکا کیا گیا۔ اوراب نامعلوم ملزمان کے خلاف مقدمہ درج کر کے قانونی کارروائی شروع کر دی گئی ہے۔
واضح رہے کہ گزشتہ روز الیکشن کمیشن سندھ کے دفتر کے باہر دھماکا ہوا تھا جس میں کوئی جانی یا مالی نقصان نہیں ہوا تھا۔