لاہور کے حلقہ این اے 119 میں مسلم لیگ ن کی خواتین نے مریم نواز کی حمایت میں موٹرسائیکل ریلی نکالی ہے۔
موٹرسائیکل ریلی میں شریک خواتین خود ہی موٹرسائیکل چلا رہی تھیں اور انہوں نے مسلم لیگ ن کے مفلر پہن رکھے تھے، جبکہ ساتھ بیٹھی خواتین نے مسلم لیگ ن کے جھنڈے اور پمفلٹس اٹھائے ہوئے تھے۔
ن کا جنون ❤
مریم نواز صاحبہ کے حلقے میی خواتین کی بائیک ریلی۔۔✌ pic.twitter.com/WBIw4NV5x6— Fahad Hassan fadi 🐯 (@FadiViews) February 4, 2024
خواتین بائیکرز اس موقع پر ’مریم،مریم‘ کے نعرے لگا رہی تھیں، ریلی نے لاہور کی مختلف سڑکوں کا چکر لگایا۔
مزید پڑھیں
واضح رہے کہ پاکستان مسلم لیگ ن کی چیف آرگنائزر مریم نواز قومی اسمبلی کے حلقہ این اے 119 سے الیکشن میں حصہ لے رہی ہیں۔
اس سے قبل مریم نواز نے اپنے والد اور قائد نوازشریف کے ساتھ لاہور کے مختلف حلقوں میں انتخابی ریلیوں میں شرکت کی اور جلسے بھی کیے ہیں۔
پاکستان مسلم لیگ ن کا دعویٰ ہے کہ عام انتخابات میں ان کو اکثریت مل جائے گی جس کے بعد نواز شریف وزیراعظم بنیں گے جبکہ وزیراعلیٰ پنجاب کا فیصلہ بعد میں ہوگا۔
