سابق وفاقی وزیر فیصل واوڈا نے کہا کہ 95 آزاد امیدواروں میں سے 35 کا پی ٹی آئی سے کوئی تعلق نہیں ہے، باقی 60 امیداروں میں سے 25 کا بھاؤ لگنا شروع ہوگیا ہے، لیکن اس دفعہ دام زیادہ نہیں ہیں۔
نجی ٹی وی سے گفتگو کرتے ہوئے سابق وفاقی وزیر فیصل واوڈا نے کہا کہ ایم کیو ایم کراچی کی 22 نشستوں میں سے 24 بھی لے جاتی تو میں سرپرائز نہیں ہوتا۔ پہلے سے معلوم تھا کہ آزاد امیدوار زیادہ ہی ہوں گے اور مسلم لیگ ن کی سیٹیں کم ہوں گی۔
مزید پڑھیں
سابق وفاقی وزیر فیصل واوڈا نے کہا کہ نواز شریف نے پورے نتائج سے پہلے ہی اپنی تقریر کردی، خصوصی نتائج کے باوجود وہی رزلٹس آرہے ہیں جو میں نے بتائے تھے، جو پیش گوئی کی تھی وہ پوری ہوئی اب انتظار کریں منڈی بھی سج چکی ہے۔
انہوں نے کہا کہ نواز شریف کی تقریر وکٹری اسپیچ نہیں شرمندگی کی تقریر تھی، نواز شریف کو اگر 4 یا 6 مہینے حکومت چلانی ہے تو بے شک وزیراعظم بننے کے لیے بضد رہیں۔
’2 سال حکومت چلانی ہے تو نواز شریف وزیراعظم نہیں ہوں گے البتہ ان کی بیٹی وزیراعلیٰ پنجاب ضرور ہوجائیں گی‘۔
فیصل واوڈا نے کہا کہ اسلام آباد میں منڈی سج چکی ہے، لیکن اس بار دام کم ہیں۔ اب تک کے نتائج کے مطابق 95آزاد امیدواروں میں سے 35 کا پی ٹی آئی سے کوئی تعلق ہی نہیں ہے، باقی بچنے والے امیدواروں میں سے بھی کئی بک جائیں گے۔
