مقبول پاکستانی اداکارہ ماہرہ خان نے بھارتی میڈیا کی خبروں کی تردید کرتے ہوئے کہا ہے کہ وہ حاملہ نہیں ہیں اور نہ ہی انہوں نے نیٹ فلیکس سیریز چھوڑی ہیں۔
بھارتی میڈیا کی جانب سے دعویٰ کیا گیا ہے کہ ماہرہ خان دوسری بار والدہ بننے والی ہیں۔
بھارتی میڈیا نے اپنی رپورٹ میں ایک سوشل میڈیا صارف کی پوسٹ کا حوالہ دیتے ہوئے لکھا ہے کہ ماہرہ خان حاملہ ہونے کی وجہ سے او ٹی ٹی سیریز’جو بچے سنگ سمیٹ لو‘ سمیت 2 بڑے پراجیکٹس سے دستبردار ہوگئی ہیں۔
View this post on Instagram
بھارتی میڈیا رپورٹس میں یہ بھی کہا گیا ہے کہ سلیم کریم اور ماہرہ خان کے دوسرے بچے کی آمد رواں سال اگست یا ستمبر میں متوقع ہے۔
بھارتی میڈیا نے مزید لکھا تھا کہ ’اداکارہ ماہرہ خان ٹو ٹو کی ماما بننے اور شوہر سلیم کریم کے ساتھ اپنے پہلے بچے کا استقبال کرنے کے لیے بالکل تیار ہیں۔‘
بھارتی میڈیا کی ان خبروں کے بعد ماہرہ خان کے مداحوں میں بھی بے چینی پائی جارہی تھی اور وہ سچ جاننا چاہتے تھے، تاہم ماہرہ خان نے خود ان خبروں کی نفی کردی ہے اور کہا ہے کہ وہ حاملہ نہیں ہیں۔
ایکسپریس ٹریبون سے گفتگو میں ماہرہ خان نے کہا کہ ’یہ سچ نہیں ہے کہ میں حاملہ ہوں، میں نے نیٹ فلکس سیریز نہیں چھوڑی ہے۔’
