نامزد وزیراعلیٰ پنجاب مریم نواز نے کہا ہے کہ بیوروکریسی کو قانون شکنی پر اکسانے والوں کے ساتھ قانون کے مطابق نمٹیں گے۔
اپنے ایک بیان میں مریم نواز نے کہاکہ بیوروکریسی کو دھمکیوں کا مطلب ریاستی نظام میں انتشار پیدا کرنا ہے جس کی کھلی چھوٹ تباہی کو دعوت دینا ہے۔
لاہور: 18 فروری
نامزد وزیر اعلیٰ پنجاب مریم نواز شریف کا بیان
بیوروکریسی کو قانون شکنی پر اکسانے والوں کو قانون کے مطابق نمٹیں گے
بیوروکریسی کو دھمکیوں کا مطلب ریاستی نظام میں انتشار پیدا کرنا ہے جس کی کھلی چھوٹ تباہی کو دعوت دینا ہے
افسران گھبرائیں نہ دھمکیوں سے مرعوب ہوں،…
— PMLN (@pmln_org) February 18, 2024
انہوں نے کہاکہ افسران گھبرائیں اور نہ دھمکیوں سے مرعوب ہوں، قانون کے مطابق اپنے فرائض انجام دیں۔
مریم نواز نے کہاکہ افسران کی سلامتی کو خطرے میں ڈالا گیا تو آہنی ہاتھوں سے نمٹا جائے گا، ہم افسران کی سیکیورٹی یقینی بنائیں گے۔
مزید پڑھیں
واضح رہے کہ پاکستان مسلم لیگ ن نے مریم نواز کو وزیراعلیٰ پنجاب کے لیے نامزد کیا ہے۔
آزاد امیدواروں کی مسلم لیگ ن میں شمولیت کے بعد اس وقت مسلم لیگ ن پنجاب اسمبلی میں پہلے نمبر پر ہے، جبکہ پی ٹی آئی کے حمایت یافتہ جیتنے والے آزاد امیدوار دوسرے نمبر پر ہیں۔
اس وقت حکومت سازی کے لیے جوڑ توڑ جاری ہے، اور پاکستان تحریک انصاف نے پنجاب میں سنی اتحاد کونسل سے اتحاد کا فیصلہ کیا ہے۔
دوسری جانب وفاق میں حکومت سازی کے لیے مسلم لیگ ن اور پاکستان پیپلزپارٹی کے درمیان بھی مذاکرات جاری ہیں، پیپلزپارٹی نے مسلم لیگ ن سے پنجاب میں بھی حصہ مانگ لیا ہے۔
