پاکستان اور نیوزی لینڈ کے درمیان کراچی میں ہونے والے دوسرے ٹیسٹ میچ کی دوسری اننگز میں وکٹ کیپر بیٹر سرفراز احمد نے شاندار سنچری اسکور کی تاہم وہ میچ فنش نہ کرسکے اور ٹیسٹ ڈرا ہوگیا۔
‘میرا کپتان‘، حسن علی کی سرفراز احمد کیلئے ٹوئٹ
سرفراز کی سنچری پرفاسٹ بولر حسن علی نے بھی تعریفی پیغام بھیجا۔ اپنی ٹوئٹ میں حسن علی نے سرفراز احمد کو مبارکباد دی۔
حسن علی نے سرفراز احمد کو ٹیگ کرکے لکھا ’دی فائٹر میرا کپتان۔‘
خیال رہے کہ سرفراز احمد موجودہ ٹیسٹ ٹیم کے کپتان نہیں ہیں، کپتانی بابر اعظم کے پاس ہے البتہ وہ پاکستان کرکٹ ٹیم کے سابق کپتان رہ چکے ہیں۔ ان کی کپتانی میں ہی پاکستان نے 2017 میں چیمپئنز ٹرافی جیتی تھی اور حسن علی بھی اس ٹیم کا حصہ تھے۔ ممکن ہے حسن علی نے اسی مناسبت سے سرفراز احمد کو ’کپتان‘ کہہ کر مخاطب کیا۔
