کراچی کے علاقے بھٹائی آباد میں بچوں کی لڑائی میں بڑے بھی کود پڑے، اور فائرنگ کے نتیجے میں یوسی چیئرمین جاں بحق جبکہ 6 افراد زخمی ہوگئے۔
پولیس کے مطابق بھٹائی آباد گلی نمبر 19 میں بچوں کی لڑائی کے دوران بڑے بھی کود پڑے، اور فائرنگ کے نتیجے میں ایک شخص جاں بحق جبکہ 6 زخمی ہوگئے۔
مزید پڑھیں
پولیس نے بتایا کہ جاں بحق ہونے والے شخص کی شناخت صابر مگسی کے نام سے ہوئی جوکہ پاکستان پیپلزپارٹی کا یوسی 9 سے چیئرمین تھا۔
واقعہ کی اطلاع ملتے ہی ہولیس کی بھاری نفری موقع پر پہنچ گئی، اور زخمیوں کو اسپتال منتقل کردیا جن میں سے ایک کی حالت تشویشناک ہے۔
یوسی 9 کے کونسلر شوکت نذیر نے میڈیا سے گفتگو کرتے ہوئے بتایا کہ مقتول شادی شدہ اور 2 بچوں کا باپ تھا، مقتول پراپرٹی کا کاروبار کرتا تھا۔
انہوں نے کہاکہ واقعہ بچوں کی لڑائی کے دوران پیش آیا، مقتول کو گردن میں لگنے والی گولی جان لیوا ثابت ہوئی، ہم صابر کی تدفین کے بعد قانونی کارروائی کریں گے۔