حارث رؤف گزشتہ روز پاکستان سپر لیگ (پی ایس ایل) 2024 میں لاہور قلندرز اور کراچی کنگز کے درمیان سنسنی خیز مقابلے کے آخری اوور میں کیچ لیتے ہوئے خود کو زخمی کرگئے، لیکن ان کے کیچ پر شان مسعود نے اعتراض بھی اٹھا دیا۔
Haris Rauf get well soon
— footyfreak (@kabir_khan25509) February 25, 2024
گزشتہ روز میچ کے فیصلہ کن مرحلے کے دوران احسن بھٹی کی گیند پر حسن علی نے اونچا شاٹ کھیلا جس پر حارث رؤف کیچ کے لیے دوڑے اور کیچ کرنے میں کامیاب رہے، لیکن کیچ مکمل کرنے کے دوران ان کا بازو اور سر زمین پر ٹکرایا، جس پر انہوں نے بال کو پھینک دیا۔
He was complaining about Haris Rauf Catch ? pic.twitter.com/YrdBlsTRiZ
— ٰImran Siddique (@imransiddique89) February 24, 2024
حارث رؤف کا سر اور بازو زمین سے ٹکرانے پر وہ درد سے کراہتے ہوئے ٹیرف پر گرگئے۔ اس بات پر بحث جاری تھی کہ آیا حارث رؤف نے کیچ مکمل کر لیا ہے، کیونکہ وہ درد میں لپکتے ہوئے گیند کو کھوتے دکھائی دے رہے تھے۔
مزید پڑھیں
تھرڈ امپائر نے اگرچہ فیصلہ سناتے ہوئے کہا کہ رؤف نے کیچ مکمل کر لیا ہے۔ کراچی کنگز کے کھلاڑی اس فیصلے سے متفق نظر نہیں آئے، کپتان شان مسعود کو تھرڈ امپائر کے فیصلے پر ڈریسنگ روم سے احتجاج کرتے ہوئے بھی دیکھا گیا۔
سنسنی خیز میچ کے دوران جب کیچ آؤٹ دے دیا گیا تو کراچی کنگز کو ایک بال پر ایک رنز درکار تھا، جو آخری بال پر با آسانی بنا کر کراچی کنگز نے فتح اپنے نام کی۔
اس دوران حارث رؤف درد کے عالم میں میدان سے باہر چلے گئے اور بعد میں وہ اپنے دائیں بازو جس سے وہ گیند پھینکتے ہیں پر پلاسٹر چڑھائے نظر آئے۔ تاہم ابھی ان کی چوٹ کی حد واضح نہیں ہے۔
واضح رہے لاہور قلندرز کے فاسٹ بولر حارث رؤف کے کندھے کا اسکین کرا لیا گیا ہے۔ ٹیم کے ترجمان کا کہنا ہے کہ میڈیکل ٹیم حارث رؤف کو مانیٹر کر رہی ہے۔ ابھی طے نہیں کیا گیا کہ حارث رؤف اگلا میچ کھیلیں گے یا نہیں۔
یاد رہے کہ گزشتہ روز کراچی کنگز نے دلچسپ مقابلے کے بعد میچ 2 وکٹ سے جیت لیا تھا۔