امریکا کے صدر جو بائیڈن نے کہا کہ ڈاکٹروں کے مطابق وہ اپنی عمر کے مقابلے میں بہت جوان دکھائی دیتے ہیں ۔
ترک خبر رساں ادارے کے مطابق وائٹ ہاؤس نے صدر جو بائیڈن کے طبی معائنے سے متعلق رپورٹ جاری کر دی ہے جس میں بتایا گیا ہے کہ جو بائیڈن صدارتی ذمہ داریاں پوری کرنے کے اہل ہیں۔
مزید پڑھیں
اپنے سالانہ طبی معائنے کے حوالے سے مذاق کرتے ہوئے جو بائیڈن کا کہنا تھا کہ ڈاکٹروں کا خیال ہے کہ ’ میں اپنی عمر کے مقابلے میں بہت جوان دکھائی دیتا ہوں‘۔
وائٹ ہاؤس نےبتایا کہ جوبائیڈن ہیلی کاپٹر کے ذریعے ملٹری اسپتال پہنچے جہاں وہ ڈھائی گھنٹے تک موجود رہے، اس سالانہ معائنے میں 20 ڈاکٹروں کی ٹیم شامل تھی۔
بعدازاں وائٹ ہاؤس میں ایک تقریب کے بعد امریکی صدر نے کہا کہ ان کی صحت گزشتہ سال سے کچھ مختلف نہیں۔ واضح رہے کہ ایک سروے کےمطابق 86 فیصد امریکی عوام کا کہنا ہے کہ جو بائیڈن دوسری بار صدر بننے کے لیے عمر رسیدہ ہیں۔
