پاکستان اسٹاک ایکسچینج میں کاروبار کا مثبت دن رہا اور کاروباری ہفتے کے اختتام پر 100 انڈیکس 747 پوائنٹس اضافے سے 65325 پر بند ہوا۔
کاروباری دن میں ہنڈریڈ انڈیکس 956 پوائنٹس کے بینڈ میں رہا، بازار میں آج 34 کروڑ شیئرز کے سودے 13.38 ارب روپے میں طے ہوئے۔ مارکیٹ کیپٹلائزیشن 86 ارب روپے بڑھ کر 9312 ارب روپے ہو گیا۔
اسٹاک مارکیٹ کا دارومدار سیاسی استحکام پر منحصر ہے
مزید پڑھیں
معاشی ماہر شہریار بٹ کے مطابق انتخابی نتائج آنے کے بعد اسٹاک مارکیٹ 4000 پوائنٹس تک گر گئی تھی، پھر رفتہ رفتہ سیاسی معاملات بہتر ہونے لگے تو مارکیٹ نے بھی کروٹ لی اور اسی کاروباری ہفتے میں 2300 پوائنٹس اضافہ ہوا۔
معاشی ماہرین کے مطابق پاکستان اسٹاک مارکیٹ کا دارومدار سیاسی استحکام پر منحصر ہے، ملک میں استحکام رہے گا تو سرمایہ کار بھی دلچسپی لیں گے۔
سرمایہ کاروں کو اگر اس بات کا اعتماد دیا جائے کہ حکومتیں اپنا وقت پورا کرکے جائیں گی تو اس سے مزید بہتری آنے کی گنجائش موجود ہے۔
