پاکستان تحریک انصاف (پی ٹی آئی) کے سینیئر نائب صدر شیر افضل مروت اپنے بیانات کی وجہ سے اکثر سوشل میڈیا پر وائرل رہتے ہیں، جنہیں پی ٹی آئی کی حامیوں کی جانب سے خاصی پذیرائی بھی ملتی ہے۔ ان کا ایسا ہی ایک بیان سوشل میڈیا پر وائرل ہو رہا ہے جس میں وہ کہتے کہ جس آٹے کے تھیلے پر نواز شریف کی تصویر لگی ہے وہ آٹا کھانے سے روزہ داروں کا روزہ حرام ہو گا۔ ان کا مزید کہنا تھا کہ جو شخص سزا یافتہ ہو، پاکستان کے پیسے چوری کرکے بار بار لندن بھاگ جاتا ہو اور ڈیل کرکے واپس آجاتا ہو اس شخص کی تصویر والا آٹا کھانے سے روزہ داروں کا روزہ خراب ہوگا، لہٰذا پنجاب کے لوگ یہ آٹا کھانے سے پرہیز کریں جن پر نواز شریف کی تصویر ہے۔
ویڈیو پر صارفین کی جانب سے مختلف تبصرے کیے جا رہے ہیں۔ ایک صارف نے شیر افضل مروت کی ویڈیو پر تبصرہ کرتے ہوئے لکھا کہ اس ویڈیو کو آپ شیئر کیے بغیر نہیں رہ سکیں گے۔
شیر افضل مروت خان کی ایسی ویڈیو کہ اپ شیئر کیے بنا نہیں رہیں گے
— Muhafiz.🇵🇰❤️ (@pkmuhafiz1) March 4, 2024
خبیب حنیف کا کہنا تھا کہ یہ شخص خود کو انسان کہتا ہے؟ ساتھ ہی انہوں نے کہا کہ پی ٹی آئی کے ایسے لوگوں پر افسوس ہی ہے۔
یہ شخص خود کو انسان کہتا ہے افسوس ہے ویسے پی ٹی آئی والوں پر https://t.co/dsSXCb6M7Y
— khubaib hanif (@khubaibhan43709) March 5, 2024
اسحاق نامی صارف نے لکھا کہ شیر افضل ہر بات کمال کی کرتے ہیں۔
یار مروت صاحب ہر بات کمال کا کرتا ہے 😁😁
— Ishaq Orakzai (@IshaqOrakzai12) March 5, 2024
واضح رہے کہ وزیرِ اعلیٰ پنجاب مریم نواز شریف کی ہدایت پر صوبے بھر میں مستحقین کی امداد کے لیے ʼنگہبان رمضان پیکج‘ شروع کیا گیا ہے۔ جس پر سوشل میڈیا صارفین کی جانب سے تنقید ہو رہی ہے کہ تھیلے پر نواز شریف کی تصویر کیوں لگائی گئی۔
