وزير اعلی پنجاب مريم نواز نے اپنے عہدے کا منصب سنبھالتے ہی لاہور میں مختلف مقامات کے دوروں کا آغاز کیا ۔ وزارتِ اعلیٰ کا حلف اٹھانے کے کچھ دیر بعد ہی وہ لاہور میں واقع ایک پولیس سٹیشن پہنچیں، دوسرے دن انھوں نے میو اسپتال پھر سیف سٹی کے آفسز اور لاہور کے سرکاری اسکول کا دورہ بھی کیا۔
مریم نواز کا لاہور کے سرکاری اسکول کا دورہ ایک بار پھر موضوع بحث بناہوا ہے،ان کی اسکول پرنسپل کے ساتھ مکالمے کی ایک ویڈیو سوشل میڈیا پرگردش کر رہی ہے جس میں پرنسپل مریم نواز سے کہتی ہیں کہ بچیاں کنفیوز ہوجاتی ہیں کیونکہ سرکاری اسکول کے بچے چھوٹی فیملیز سے آتے ہیں اور جب یہاں اتنے مرد حضرات آتے ہیں تو بچے کنفیوز ہوجاتے ہیں جس پر مریم نواز کہتی ہیں کہ یہ بہادر بچے ہیں اور باہر جا کر بات کریں گے ابھی بچوں کو ڈسٹرب نہ کریں اور ایسے نہیں کہنا چاہیے کہ چھوٹی یا بڑی فیملیز سے ہیں کیونکہ کوئی چھوٹی یا بڑی فیملی نہیں ہوتی تمام بچے بڑی فیملیز سے ہیں۔
اسے صارفین کی جانب سے شدید تنقید کا نشانہ بنایا جا رہا ہے، بہت سے صارفین ایسے ہیں جن کا کہنا ہے کہ یہ مریم نواز کی جانب سے تشہیری مہم ہے۔
ایک صارف نے مریم نواز پر تنقید کرتے پوئے لکھا کہ پاکستانی گرلزاسکولوں میں غیر مردوں کوآنے کی اجازت نہیں ہوتی مگر مریم نواز کلاس روم میں اپنے کیمرہ مینز کے ساتھ داخل ہو گئیں جہاں پر بچیاں پردے میں بیٹھی تھیں ، جس پر پرنسپل نے انہیں کہا کہ آپ مردوں کو یہاں سے لے جائیں بچیاں کنفیوز ہو رہی ہیں لیکن مریم نواز پھر بھی غیر مردوں کے ساتھ کمیروں سمیت وہاں موجود رہیں۔
الرٹ ⚠️⚠️⚠️
پاکستانی گرلزسکولوں میں غیر مردو کو اجازت نہیں ہوتی کے وہ کلاس روم میں آ سکے
مگر مریم نواز وہاں اپنے کیمرہ مینوں کے ساتھ داخل ہو گئی جہاں پہ بچیاں پردے میں بیٹھی تھیں
تو پرنسپل نے کہا بھی کہ آپ مردو کو یہاں سے لے جائےبچیاں کنفیوز ہو رہی ہیں
یہ چھوٹے چھوٹے گھروں… pic.twitter.com/CwmP6B9cDs— Sara Mir (@SaraMirGilgity) March 7, 2024
میاں نعیم لکھتے ہیں کہ بچیوں کےاسکول کے اندر والد اور بھائی کو بھی داخلے کی اجازت نہیں ہوتی وہ گیٹ تک ہی رہتے ہیں اور مریم نواز غیر مردوں اور کمیرے کے ساتھ کلاس روم تک آ گئی ہیں۔
مریم کی اچھی کلاس لگائی پرنسپل نے کہ آپ مردوں کو یہاں سے لے کر چلی جائیں بچیاں کنفیوز ہو رہی ہیں
بچیوں کے سکول کے اندر داخل ہونے کی تو باپ اور بھائی کو بھی اجازت نہیں ہوتی وہ گیٹ تک رہتے ہیں اور مریم نواز غیر مردوں کو کیمروں کے ساتھ لے کر کلاس میں گھسی ہوتی ہے pic.twitter.com/YgeyzQ2jn6
— Mian Naeem (@Miannaeem07) March 8, 2024
جہاں صارفین مریم نواز کو تنقید کا نشانہ بناتے نظر آئے وہیں ایک صارف نے لکھا کہ مریم نواز نہیں بلکہ پرنسپل بچوں کو چھوٹے اور غریب گھر کا کہہ کر کنفیوز کر رہی ہیں، ان کا کہنا تھا کہ وزیراعلیٰ پنجاب مریم نواز سرکاری اسکول کا دورہ کر رہی ہیں اور یہ بہت بڑی بات ہے جسے سراہنا چاہیے ۔
پرنسپل کو شرم انی چاہیے بچوں کو کنفیوز تو وہ کر رہی ہیں غریب اور چھوٹے گھروں کا کہہ کر ۔ صوبے کی وزیر اعلی @MaryamNSharif سرکاری سکول کا دورہ کر رہی ہیں یہ بہت بڑی بات ہے جسے سراہنا چائیے ۔ بچیوں کو یہ کون سی تربیت دی جا رہی ہے جس میں کیمرہ مین سے وہ گھبرا رہی ہیں ؟؟ https://t.co/hmQnHLU6nj
— Sadia Abbasi (@SadiaAbbasii) March 8, 2024
واضح رہے کہ گزشتہ روز لاہور میں وزیراعلیٰ پنجاب مریم نواز سے لاہور یونیورسٹی آف مینجمنٹ سائنسز کے طلبہ نے ملاقات کی تھی جس پر انہیں تنقید کا سامنا ہے۔
