بھارتی فضائیہ کے جہازوں کی تباہی سلسلہ نہ رک سکا، بھارتی ریاست راجستھان کے شہر جیسلمیر کے قریب بھارتی فوج کی جاری ’بھارت شکتی‘ مشقوں کے دوران فضائیہ کا تیجس طیارہ گر کر تباہ ہوگیا ہے۔
میڈیا رپورٹس کے مطابق حادثے کے دوران پائلٹ جہاز کے تباہ ہونے سے قبل پیرا شوٹ کے ذریعے جہاز سے نکلنے میں کامیاب ہوگیا تھا، بھارتی میڈیا کے مطابق طیارے کی تباہی کی وجوہات کا تعین کرنے کے لیے کورٹ آف انکوائری کا حکم دیدیا گیا ہے۔
One Tejas aircraft of the Indian Air Force met with an accident at Jaisalmer, today during an operational training sortie. The pilot ejected safely.
A Court of Inquiry has been constituted to find out the cause of the accident.— Indian Air Force (@IAF_MCC) March 12, 2024
واضح رہے کہ گزشتہ سال بھی راجستھان میں بھارتی فضائیہ کا لڑاکا طیارہ مشق کے دوران گر کر تباہ ہو گیا تھا، جولائی 2022 ء میں بھارتی فضائیہ کا لڑاکا طیارہ تباہ ہونے سے 2 افراد ہلاک ہوئے تھے۔
یاد رہے کہ کچھ عرصہ قبل بھارتی فضائیہ کے بڑھتے ہوئے فضائی حادثوں کے بعد ان کے جہازوں کو ’اڑتے تابوت‘ کا نام دیا گیا تھا، بھارتی فضائیہ کے تیجس طیارے کی حالیہ تباہی نے ایک بار پھر بھارتی فضائیہ کی نااہلی دنیا پر عیاں کردی ہے۔