انٹرنیشنل کرکٹ کونسل (آئی سی سی) نے رواں برس ہونے والے ٹی20 ورلڈ کپ کی پلئینگ کنڈیشنز کی منظوری دے دی ہے، آئی سی سی کے بورڈ اجلاس میں ٹی20 ورلڈ کپ 2026 کی میزبانی بھارت اور سری لنکا کو دینے کا فیصلہ کیا گیا ہے۔
آئی سی سی کا بورڈ اجلاس دبئی میں ہوا جس میں بورڈ نے ٹی20 ورلڈکپ کی پلیئنگ کنڈیشنز کی منظوری دی، آئی سی سی نے فیصلہ کیا کہ سیمی فائنلز اور فائنل مکمل کرانے کے لیے ریزرو ڈے بھی ہوں گے۔
مزید پڑھیں
تفصیلات کے مطابق آئی سی سی نے فیصلہ کیا کہ میچ کا نتیجہ حاصل کرنے کے لیے دوسری اننگز میں کم از کم 5 اوور کا کھیل مکمل کرنا ضروری ہوگا۔ بالکل اسی طرح ناک آﺅٹ میچز میں بھی نتیجہ حاصل کرنے کے لیے کم ازکم 10اوورز کا کھیل لازمی کھیلنا ہوگا۔
آئی سی سی کے بورڈ اجلاس نے ٹی20 ورلڈکپ 2026 کے لیے میزبانی بھارت اور سری لنکا کو دی، ٹی20 ورلڈ کپ کے لیے سرفہرست 8 ٹیمیں اور میزبان ملک براہ راست کوالیفائی کریں گے۔
واضح رہے ٹی20 میں کوالیفائی کرنے کے لیے باقی 2 ٹیموں کا فیصلہ میزبان ٹیموں کی رینکنگ پوزیشن کے مطابق ہوگا جبکہ 8 ٹیمیں ریجنل کوالیفائرز شرکت کا حق حاصل کریں گے۔
