بھارتی ماہی گیروں کو بچاتے ہوئے پاکستان میری ٹائم سیکیورٹی ایجنسی کا ایک اہلکار سمندر میں ڈوب کر شہید ہوگیا۔
مزید پڑھیں
پاکستان میری ٹائم سیکیورٹی ایجنسی ترجمان کے مطابق پاکستانی سمندری حدود میں غیر قانونی سرگرمیوں میں مصروف 8 ہندوستانی کشتیوں سے ایجنسی کے جہاز کا آمنا سامنا ہوا تو پکڑے جانے کے خوف سے بھارتی کشتیوں میں سے ایک نے اپنی رفتار بڑھا دی۔
ترجمان نے مزید بتایا کہ رفتار بڑھانے کے نتیجے میں بھارتی ماہی گیر کشتی الٹ گئی اور کشتی کا عملہ بورڈنگ ٹیم سمیت سمندر میں گر گیا۔
پاکستان میری ٹائم سیکیورٹی ایجنسی کا کہنا ہے کہ 7 میں سے 5 ہندوستانی ماہی گیروں کو زندہ بچا لیا گیا جبکہ 2 لاپتا ماہی گیروں کی تلاش کے لیے رسکیو آپریشن جاری ہے۔
ترجمان نے بتایا کہ اس دوران پی ایم ایس اے کا سیلر محمد ریحان شہید ہوگیا۔
