وزیراعظم محمد شہباز شریف نے ورلڈ یوتھ اسکلز ڈے کے موقع پر اپنے پیغام میں کہا ہے کہ پاکستان نوجوانوں کی صلاحیتوں، عزم اور بے پناہ استعداد کو خراجِ تحسین پیش کرتا ہے، کیونکہ نوجوان ملک کا سب سے قیمتی سرمایہ ہیں۔
انہوں نے کہا کہ مصنوعی ذہانت، ڈیجیٹل جدت اور ابھرتی ہوئی ٹیکنالوجیز روزگار کے عالمی منظرنامے کو بدل رہی ہیں، ایسے میں عالمی معیار کی مہارتیں پائیدار ترقی کی بنیاد بن چکی ہیں۔
وزیراعظم کے مطابق حکومت نے نیشنل ووکیشنل اینڈ ٹیکنیکل ٹریننگ کمیشن (نیوٹیک) کو جدید تقاضوں سے ہم آہنگ ادارے میں تبدیل کیا ہے تاکہ نوجوانوں کو عالمی معیار کی تربیت، بین الاقوامی سطح پر تسلیم شدہ اسناد اور صنعت سے ہم آہنگ مہارتیں فراہم کی جا سکیں۔
Prime Minister Muhammad Shehbaz Sharif’s Message on the Occasion of World Youth Skills Day, 15 July 2026.
Today, Pakistan joins the international community in observing World Youth Skills Day and pays tribute to the talent, determination, and immense potential of our young… pic.twitter.com/DSx5zQqW3G
— Prime Minister’s Office (@PakPMO) July 14, 2026
وزیراعظم نے کہا کہ حکومت نے رواں سال تکنیکی مہارتوں کے فروغ کے لیے نیوٹیک کے بجٹ میں نمایاں اضافہ کیا ہے، جبکہ روزگار کے مواقع بڑھانے، کاروباری صلاحیتوں کے فروغ، برآمدات میں اضافے اور قومی پیداوار بہتر بنانے کے لیے بھی اقدامات کیے جا رہے ہیں۔
مزید پڑھیں:وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
انہوں نے کہا کہ حکومت نجی شعبے، صنعت اور بین الاقوامی اداروں کے ساتھ تعاون کو بھی وسعت دے رہی ہے تاکہ پاکستانی افرادی قوت عالمی منڈی میں مؤثر انداز میں مقابلہ کر سکے۔ وزیراعظم نے اس عزم کا اظہار کیا کہ وفاق، صوبوں، نجی شعبے اور تربیتی اداروں کی مشترکہ کوششوں سے پاکستان کی ہنر مند افرادی قوت عالمی سطح پر اپنی صلاحیتوں کا لوہا منوائے گی۔
