محکمہ موسمیات نے آئندہ 24گھنٹوں کے دوران ملک کے بیشتر علاقوں میں موسم خشک رہنے کی پیش گوئی کی ہے تاہم ملک کے بیشتر حصوں میں تیز ہوا ئیں چلنے کا امکان ہے۔
محکمہ موسمیات کے مطابق پنجاب، خیبرپختونخوا، سندھ، بلوچستان، کشمیر اور گلگت بلتستان میں موسم خشک رہے گا۔
مزید پڑھیں
محکمہ موسمیات کی رپورٹ کے مطابق گزشتہ 24 گھنٹوں کے دوران ملک کے بیشتر علاقوں میں موسم خشک جبکہ خیبر پختونخوا اور پنجاب کے بالائی علاقوں میں آندھی اور گرج چمک کے ساتھ بارش ہوئی۔
محکمہ موسمیات کے مطابق خیبر پختونخوا کے علاقوں ڈیرہ اسماعیل خان (ائیرپورٹ 31 ملی میٹر، سٹی 20) جب کہ باچا خان ایئرپورٹ کے قریب 01 ملی میٹر بارش ریکارڈ کی گئی۔
پنجاب کے ضلع بھکر 18، جھنگ 13، فیصل آباد 12، حافظ آباد، جوہر آباد، سرگودھا 04، اوکاڑہ، شیخوپورہ، ٹوبہ ٹیک سنگھ 03، لاہور (سٹی 02، ایئرپورٹ 01)، بہاولنگر، خانیوال، کوٹ ادو 02، ملتان ایئرپورٹ، نور پور ساہیوال 01، ملتان ایئرپورٹ، نور پور ساہیوال 01 ملی میٹر بارش ریکارڈ کی گئی۔
اتوار کو سب سے زیادہ درجہ حرارت شہید بینظیر آباد میں 39، چھور، لسبیلہ، حیدرآباد، پڈعیدن، مٹھی اور سکرنڈ میں 38 ڈگری سینٹی گریڈ ریکارڈ کیا گیا۔
