جوڈیشل مجسٹریٹ لاہور نے شہریوں کے کھاتے میں بجلی کے زائد یونٹس ڈالنے کے مقدمے میں ایکسین واپڈا باغبان پورہ کو 4 روزہ جسمانی ریمانڈ پر ایف آئی اے کے حوالے کردیا ہے۔
ایف آئی اے لاہور نے ملزم ایکسین واپڈا باغبان پورہ رب یار کو گرفتار کرکے جوڈیشل مجسٹریٹ کی عدالت میں پیش کیا۔ ایف آئی اے کی جانب سے چوہدری سجاد ایڈووکیٹ پیش ہوئے اور ملزم سے تفتیش کے لیے 14 روزہ جسمانی ریمانڈ کی استدعا کی۔
مزید پڑھیں
جوڈیشل مجسٹریٹ رضوان احمد نے جسمانی ریمانڈ کی درخواست کا تحریری حکم جاری کرتے ہوئے ایکسین واپڈا باغبان پورہ کو 4 روزہ جسمانی ریمانڈ پر ایف آئی اے کے حوالے کردیا ہے۔
تحریری حکم میں کہا گیا ہے کہ سرکاری وکیل کے مطابق ملزم رب یار نے 2021 اور 2022 میں صارفین کو بجلی کے زائد یونٹس ڈالے تھے، جو شہری 100 یونٹس سے کم استعمال کرتے تھے انکو بھی 600 یونٹس ڈالے گئے تھے۔
