بالی ووڈ اداکار سلمان خان نے اپنے گھر کے باہر فائرنگ کے واقعے کے بعد مداحوں کو مضبوط رہنے کی تلقین کرڈالی۔
سلمان خان نے انسٹاگرام پر ایک ویڈیو جاری کی جس میں وہ اپنے ’فٹنس اکوائپمنٹس‘ کے برانڈ لانچ کا اعلان کرتے نظر آئے۔ سلمان خان نے فٹنس برانڈ کا نام ’بینگ اسٹرانگ‘ رکھا اور اپنے مداحوں کو پیغام دیا کہ ’اب میرے برانڈ کے فٹنس اکوائپمنٹس آپ سب کی دسترس میں ہیں اور اب سے آپ سب بھی مضبوط ہوجائیں‘۔
View this post on Instagram
خیال رہے کہ 14 اپریل کی صبح 5 بجے دو مشتبہ افراد بائیک پر سوار ہوکر سلمان خان کی ممبئی کے علاقے بندرہ میں رہائش گاہ گلیکسی اپارٹمنٹ کے ارد گرد معائنہ کرنے کے بعد گھر کے سامنے سے فائرنگ کرتے گزرے اور ایک گولی عمارت کی پہلی منزل پر بھی چلائی جہاں سلمان خان ہوتے ہیں۔
اگرچہ اس واقعہ کے بعد سوشل میڈیا پر ہر جانب سلمان خان کے مداح فکرمند نظر آرہے تھے لیکن سلمان خان نے انسٹاگرام پر جاری اپنے ایک پیغام سے موضوع بدل دیا۔
