پاکستان کی معروف اداکارہ منشاپاشانے ٹی وی شو کے دوران بزنس مین میاں محمد منشا سے اپنے تعلق کی اصل حقیقت بیان کر دی۔
اداکارہ منشا نے حال ہی میں نجی ٹی وی کےپروگرام ‘ہنسنا منع ہے’ میں شرکت کی اور کھل کر اپنی نجی و پروفیشنل زندگی سے متعلق تفصیلی بات کی۔ دورانِ شو سے ان سے مداح نے سوال کیا کہ آپ نے ایک انٹرویو میں بتایا تھا کہ پاشا آپ کے والد کا نام ہے مگر آپ کے نام میں منشا بھی آتا ہے تو یہ سوچ کر جاننے کی تشویش پیدا ہوتی ہے کہ آپ کا تعلق کہیں پاکستان کے بزنس مین میاں منشا کے خاندان سے تو نہیں؟
اداکارہ نے اس سوال کے جواب کہا کہ نہیں جی بالکل بھی نہیں میرا ان سے کوئی تعلق، میرے میاں ہیں اور میں ان کی منشا ہوں بس۔
اس سیشن کے دوران میزبان نےیہ سوال کیا کہ آپ میڈیا کی پڑھائی کر رہی تھیں اور کیمرے کے پیچھے کام کیا کرتی تھیں تو اداکارہ بننے کا خیال کیسے آیا؟۔ جواب میں اداکارہ نے بتایا کہ مجھے اداکاری کی دنیا کی طرف عدنان صدیقی لیکر آئے ہیں اور یہ بات جب بھی وہ مجھ سے ملتے ہیں تو یاد دلاتے ہیں تاکہ میں بھی ہر انٹرویو میں یہی بات کہہ سکوں۔
