نیدرلینڈز کے ایک ٹی وی میزبان نے لکڑی کے روایتی جوتے کی شکل میں تیار کی گئی گاڑی چلا کر دنیا کے تیز ترین موٹرائزڈ جوتے کا ریکارڈ قائم کردیا۔
یہ بھی پڑھیں: دنیا کے تیز ترین مکے باز نے 3 عالمی ریکارڈ قائم کر دیے
غیر ملکی خبر رساں ادارے کے مطابق ڈچ ٹی وی میزبان کلااس فان کروئسٹم اور ان کی ٹی وی ٹیم نے ریکارڈ قائم کرنے والی گاڑی تیار کرنے کا فیصلہ کیا، جس کے لیے انہوں نے برطانوی شہری کیون نکس سے رابطہ کیا، جو 2025 میں دنیا کی تیز ترین موٹرائزڈ باغیچے کی جھونپڑی کا ریکارڈ قائم کرچکے تھے۔
View this post on Instagram
ٹیم نے اپنی گاڑی کے لیے نیدرلینڈز کے روایتی لکڑی کے جوتے کو بطور نمونہ استعمال کیا اور برقی گو کارٹ کے ڈھانچے کو اس کی بنیاد بنایا۔
بعد ازاں اس ڈھانچے پر پالئیےسٹر اور فائبر گلاس سے جوتے کی شکل کا خول تیار کیا گیا، جس کے بعد یہ منفرد گاڑی مکمل ہوئی۔
کلااس فان کروئسٹم نے 4 اپریل کو نیدرلینڈز کے شہر بوشن ہاؤٹ میں بریڈا بین الاقوامی ہوائی اڈے پر اس گاڑی کو چلایا، جہاں اس نے 70.05 میل فی گھنٹہ یعنی تقریباً 113 کلومیٹر فی گھنٹہ کی رفتار حاصل کی۔
یہ بھی پڑھیں: ایک دھن 639 سال، دنیا کا منفرد ترین موسیقی پروگرام جاری
یہ رفتار دنیا کے تیز ترین موٹرائزڈ لکڑی کے جوتے کا نیا ریکارڈ قائم کرنے کے لیے کافی تھی، جس پر اسے گنیز ورلڈ ریکارڈز میں شامل کرلیا گیا۔
کلااس فان کروئسٹم اور ان کی ٹیم نے اس منفرد منصوبے کے ذریعے روایتی ڈچ لکڑی کے جوتے کو ایک تیز رفتار موٹرائزڈ گاڑی میں تبدیل کردیا۔
