عائنہ آصف ایک نوجوان اور خوبصورت ابھرتی ہوئی پاکستانی اداکارہ ہیں۔ انہوں نے بہت کم وقت میں بہت زیادہ مقبولیت اور شہرت حاصل کی ہے۔
عائنہ کی کامیابی میں ان کے ہٹ ڈراما سیریلز نے اہم کردار ادا کیا۔ اینا کو ’مائی رے‘اور ’بے بی باجی‘ جیسے ڈراما سیریلز کے ذریعے پہچان ملی۔
عائنہ دیگر قابل ذکر ڈراما سیریلز میں بھی کام کر چکی ہیں جن میں ’پہلی سی محبت‘، ’بدنصیب‘، ’ہم تم‘، ’پہچان‘ اور ’پنجرا‘ شامل ہیں۔
ڈراما سیریل ’بے بی باجی‘ اور ’ مائی رے‘ میں عائنہ آصف نے چیلنجنگ کرداروں کو بہترین انداز میں نبھایا۔ ‘مائی رے’ میں عائنہ آصف کے بہترین کردار نے بہت سی پاکستانی لڑکیوں کو متاثر کیا جو کم عمری میں شادی کے تجربات سے گزرچکی ہیں۔
عائنہ آصف جلد ہی گرین انٹرٹینمنٹ کے ڈراما سیریل ’دل مانے نہ فکیہ‘ کے کردار میں نظر آئیں گی۔
حال ہی میں خوبصورت اداکارہ نے اپنے انسٹاگرام پر متعدد تصاویر شیئر کی ہیں۔ اداکارہ نے اپنے بھائی احمد آصف کے ساتھ پوز دیے ہیں۔ عائنہ آصف نے تصاویر کے ساتھ ایک دل کش کیپشن بھی شیئر کیا۔
انہوں نے لکھا کہ ’ماما نے ہمیں ایک ساتھ تصاویر لینے پر مجبور کیا اور یہ تصویر حیران کن طور پر بہت اچھی نکلی‘۔ چند روز قبل انہوں نے ایک خوبصورت مغربی لباس میں اپنی خوبصورت سولو تصاویر شیئر کی تھیں۔
