بالی ووڈ کی معروف اداکارہ ودیا بالن نے انکشاف کیا ہے کہ اُنہیں اپنی فلم ’دی ڈرٹی پکچر‘ میں سگریٹ نوشی کی لت لگ گئی تھی۔
بھارتی میڈیا کے مطابق ودیا بالن نے کہا’ فلم ’دی ڈرٹی پکچر‘ میں مجھے تمباکو نوشی کرنا تھی لہذا میں نے شوٹنگ سے پہلے سگریٹ نوشی شروع کر دی تھی‘۔
اداکارہ نے کہا’ میں سگریٹ نوشی کرنا جانتی تھی لیکن میں نے کبھی سگریٹ پی نہیں تھی۔ مجھے اس فلم میں اپنے کردار کے لیے خصوصی طور پر سگریٹ نوشی کرنا پڑی۔کیونکہ مجھے لگتا تھا کہ ہم کسی بھی فلم میں تمباکو نوشی کو مصنوعی نہیں بنا سکتے‘۔
ودیا بالن نے کہا’ فلم ’دی ڈرٹی پکچر‘ کی ریلیز کے بعد مجھے سگریٹ نوشی کی ایسی لت لگی کہ میں ایک دن میں دو سے تین سگریٹ پینے لگ گئی‘۔
میزبان نے ودیا بالن سے پوچھا کہ کیا وہ اب بھی سگریٹ پیتی ہیں؟ جس پر اداکارہ نے انکشاف کیا’ میں اب سگریٹ نوشی نہیں کرتی لیکن مجھے سگریٹ پینا اچھا لگتا ہے‘۔
اداکارہ نے کہا’ اگر کوئی مجھے یہ کہہ دے کہ سگریٹ آپ کو کوئی نقصان نہیں پہنچاتی تو میں دوبارہ سگریٹ نوشی شروع کردوں گی‘۔
واضح رہے کہ ودیا بالن کی فلم ’دی ڈرٹی پکچر‘ 2011 میں ریلیز ہوئی۔ اس فلم نے ودیا بالن کی ایک اداکارہ کے طور پر ورسٹائل صلاحیت کو ظاہر کیا۔ فلم کی کاسٹ میں ودیا کے علاوہ عمران ہاشمی، نصیر الدین شاہ اور تشار کپور شامل تھے۔ ملن لوتھریا کی ہدایت کاری میں بننے والی اس فلم کو دنیا بھر میں تامل، تیلگو اور ہندی میں بھی دیکھا گیا۔
