جنوبی بحیرۂ چین میں ویتنام کا ایک جہاز حادثے کا شکار ہو کر ڈوب گیا، جس کے بعد چینی اور ویتنامی امدادی ٹیموں نے مشترکہ کارروائی کرتے ہوئے 37 افراد کو بحفاظت بچا لیا، جبکہ لاپتا افراد کی تلاش جاری ہے۔
جنوبی بحیرۂ چین میں نانشا جزائر کے قریب یونگشو ریف کے علاقے میں ویتنام کا ایک بحری جہاز حادثے کا شکار ہو کر ڈوب گیا، جس کے بعد بڑے پیمانے پر سرچ اینڈ ریسکیو آپریشن شروع کر دیا گیا۔
چینی حکام کے مطابق اتوار کی صبح ساڑھے 7 بجے تک حادثے کا شکار ہونے والے جہاز سے 37 افراد کو بحفاظت نکال لیا گیا ہے۔ تمام بچائے گئے افراد ویتنامی شہری ہیں۔
A Vietnamese vessel sank after encountering distress in waters near Yongshu Reef in the Nansha Islands in the South China Sea, with 37 people rescued as of 7:30 a.m. Sunday, authorities of China's Sansha City said. Search and rescue operations are continuing.
All those rescued… pic.twitter.com/kbmscgOsM4
— People's Daily, China (@PDChina) July 26, 2026
حکام نے بتایا کہ ’خوئی نگوین 18‘ نامی اس جہاز پر عملے سمیت مجموعی طور پر 62 افراد سوار تھے، جن میں سے باقی افراد کی تلاش کے لیے امدادی کارروائیاں بدستور جاری ہیں۔
رپورٹ کے مطابق ہفتے کی شام مقامی وقت کے مطابق تقریباً 6 بج کر 23 منٹ پر چین کی وزارتِ ٹرانسپورٹ کے نان ہائی ریسکیو بیورو کے امدادی جہاز نان ہائی جیو 115 نے سمندر میں ہنگامی راکٹ پیراشوٹ سگنل دیکھا، جس کے بعد فوری طور پر ریسکیو آپریشن کا آغاز کیا گیا۔
چینی حکام کے مطابق سرچ اینڈ ریسکیو کارروائی میں اس وقت چین کے چھ بحری جہاز، ایک امدادی ہیلی کاپٹر اور ویتنام کا ایک جہاز حصہ لے رہے ہیں۔
یہ بھی پڑھیں:ایرانی بحریہ کا جنگی جہاز ڈوب گیا، عملے کے 140 افراد لاپتا، ریسکیو آپریشن جاری
سانشا میری ٹائم سرچ اینڈ ریسکیو حکام نے بتایا کہ ’خوئی نگوین 18‘ ویتنام میں رجسٹرڈ جہاز تھا، جس کی لمبائی تقریباً 70 میٹر، چوڑائی 10.8 میٹر اور مجموعی وزن 999 گراس ٹن تھا۔
حکام کے مطابق لاپتا افراد کی تلاش جاری ہے، جبکہ جہاز ڈوبنے کی وجوہات جاننے کے لیے بھی تحقیقات کی جائیں گی۔
