بلوچستان کے ضلع کیچ کی تحصیل تمپ میں نامعلوم دہشتگردوں نے فائرنگ کی ہے جس کے نتیجے میں 2 مزدور جاں بحق ہوگئے۔
لیویز حکام نے بتایا ہے کہ دہشتگردوں نے زیر تعمیر گھر پر فائرنگ کرکے مزدوروں کو قتل کیا۔
مزید پڑھیں
لیویز حکام کے مطابق جاں بحق ہونے والے مزدوروں کا تعلق پنجاب کے علاقے فیصل آباد سے تھا۔
دہشتگردوں کی فائرنگ سے جاں بحق مزدوروں کی شناخت محمد شاہد اور نعیم احمد کے نام سے ہوئی ہے۔
لیویز حکام نے بتایا کہ واقعہ کے بعد لاشوں کو سول اسپتال تربت منتقل کردیا گیا ہے، جنہیں ضروری کارروائی کے بعد آبائی علاقوں کو روانہ کیا جائے گا۔
یاد رہے کہ رواں ماہ نوشکی میں پنجاب سے تعلق رکھنے والے 9 مزدوروں کو بس سے اتار کر قتل کردیا گیا تھا۔
