چترال انتظامیہ نے کیلاش قبیلے کے کلچر اور مذہبی رسومات کے تحفظ کے پیش نظر وادی میں دفعہ نافذ کر دی ہے۔
مزید پڑھیں
کیلاش قبیلے کے مذہبی تہوار چیلم جوشٹ 2024 کے موقع پر ڈپٹی کمشنر/ڈسٹرکٹ مجسٹریٹ لوئر چترال محمد عمران خان کی جانب سے دفعہ 144 نافذ کر دی ہے۔ دفعہ آج 12 مئی سے 17 مئی 2024 تک نافذ العمل رہے گی۔
دفعہ 144 کے ضمن میں جاری ہدایت نامے کے مطابق بغیر اجازت کے موٹر سائیکل سواروں کے کیلاش وادیوں میں داخلے پر پابندی ہوگی۔
کھلے چھت والی سوزوکی وین وغیرہ میں سوار ان افراد پر پابندی ہوگی جو رات کھلے آسمان تلے گزارتے اور بغیر اجازت کے کھلی جگہ آگ جلا کر کوکنگ وغیرہ کرتے اور ماحول کو آلودہ کرتے ہیں۔
باقاعدہ رجسٹرڈ ٹوریسٹ گائیڈ کے بغیر سیاحوں کا علاقے میں داخلے اور گھومنے پھرنے پر بھی پابندی ہوگی، اسی کیساتھ ہی بغیر اجازت کے کیلاش قبیلے کے خواتین کی ویڈیو گرافی اور ت
صاویر بنانے پر پابندی کا اطلاق ہوگا۔
ہدایت نامے کے مطابق عائد کی گئی پابندیوں کی خلاف ورزی پر قانونی کارروائی عمل میں لائی جائےگی۔ انتظامیہ کی جانب سے عوام الناس اور سیاحوں سے گزارش کی گئی ہے کہ علاقے کے کلچر اور مذہبی رسومات کو قدر کی نگاہ سے دیکھیں اور قانون نافذ کرنے والے اداروں کے ساتھ تعاون کریں۔
