بازار سے ملنے والی پروسیس یا پیک شدہ کھانے کی اشیاء میں مختلف کیمیکلز کا استعمال کر کے انہیں کافی عرصہ تک خراب ہونے سے محفوظ بنایا جاتا ہے۔
کچھ اشیا ایسی بھی ہیں جنہیں گھر میں استعمال کر کے کھانے کی اشیاء کو زیادہ عرصہ تک تازہ رکھا جا سکتا ہے۔
نمک
نمک ایک ایسی قدرتی غذا ہے جس کے استعمال سےاچار کو مہینوں تک تازہ رکھاجا سکتا ہے۔ نمک بنیادی طور پر کھانے کو بیکٹیریا یا خمیر ہونے سے روکنے کا کام کرتا ہے۔
ادرک اور لہسن
ادرک اور لہسن کو اکثر اچار میں شامل کیا جاتا ہے، کیونکہ یہ نہ صرف ذائقہ کو بڑھاتا ہے بلکہ اس کو خراب ہونے سے بھی بچاتا ہے۔ لہسن میں بے پناہ اینٹی وائرل خصوصیات ہیں جو بیکٹیریا سے لڑنے میں مدد کرتی ہیں۔
سرکہ
خمیر شدہ کھانا اپنی طویل شیلف لائف کے لیے جانا جاتا ہے اور زیادہ تر خمیر کھانوں میں سرکہ اہم جزو کے طور پر استعمال ہوتا ہے۔ سرکہ میں موجود ایسٹک ایسڈ کھانے کو مزید خراب ہونے سے روکتا ہے۔
چینی
چینی بھی نمک جیسا ہی کام کرتی ہے اور کھانے کو خراب ہونے سے بچاتی ہے۔ یہ زیادہ تر گھریلو میٹھے مربے اور نارنگی کے مربہ کو محفوظ کرنے کے لیے استعمال ہوتی ہے۔
