روس کے شہرسینٹ پیٹرزبرگ میں سگنل کور کی ملٹری اکیڈمی میں دوسری جنگ عظیم کے دور کا گولہ پھٹنے سے 7 فوجی اہلکار زخمی ہو گئے۔
شنہوا نیوز ایجنسی کے مطابق دھماکا تہہ خانے کے احاطے میں کی صفائی کے دوران اس وقت ہواجب اہلکار ایک کنٹینر میں کچرا منتقل کر رہے تھے۔
مزید پڑھیں
پریس آفس کے مطابق دوسری جنگ عظیم کے دور کا 76 ملی میٹر کا گولہ اچانک پھٹ گیا۔ دھماکے کے نتیجہ میں زخمی ہونے والے اہلکاروں کو وزارت دفاع کی صحت کی سہولت میں لے جایا گیا ہے۔
سینٹ پیٹرزبرگ کے گورنر الیگزینڈر بیگلوف نےکہا ہے کہ اس واقعہ کا دہشت گردی سے کوئی تعلق نہیں تھا۔
واضح رہے کہ 1939 میں شروع ہونے والی جنگ عظیم دوم امریکا، مرطانیہ اور روس پر مشتمل اتحادیوں کی فتح اور جرمنی و جاپان کی شکست کے ساتھ 1945 میں اختتام پذیرائی ہوئی ہے۔
