آزاد کشمیر ہائیکورٹ نے وزیراعظم چوہدری انوارالحق کے خلاف نااہلی کی درخواست پر فریقین کو نوٹسز جاری کردیے ہیں۔
ہائیکورٹ آزاد کشمیر کے دورکنی بینچ نے سینیئر قانون دان مجاہد حسین نقوی کی درخواست پر سماعت کی۔
مزید پڑھیں
یاد رہے کہ ہائیکورٹ میں وزیراعظم آزاد کشمیر چوہدری انوارالحق کی نا اہلی کے حوالے سے رٹ سپریم کورٹ کے سینیئر وکیل مجاہد حسین نقوی نے دائر کررکھی ہے۔
درخواست گزار نے کہا ہے کہ چوہدری انوارالحق نے بطور اسپیکر استعفیٰ دیتے ہوئے غیر آئینی طریقہ اپنایا اور چوہدری انوارالحق کا وزیراعظم کے انتخاب کے لیے بلایا گیا اسمبلی اجلاس بھی غیر آئینی تھا۔
درخواست گزار نے کہا ہے کہ غیرآئینی اقدام پر وزیراعظم چوہدری انوارالحق کو عہدے سے نا اہل کیا جائے۔
یہ بھی واضح رہے کہ اس سے قبل توہین عدالت پر سابق وزیراعظم تنویر الیاس کو بھی نااہل قرار دیا جاچکا ہے۔
