وزیر اعظم شہباز شریف نے بھارتی وزیر اعظم نریندر مودی کو تیسری مرتبہ وزارتِ عظمیٰ کا حلف اٹھانے پر مباک باد دیتے ہوئے ان کے لیے ایکس پر ایک تہنیتی پیغام پوسٹ کیا ہے۔
Felicitations to @narendramodi on taking oath as the Prime Minister of India.
— Shehbaz Sharif (@CMShehbaz) June 10, 2024
واضح رہے کہ بھارتیہ جنتا پارٹی ( بی جے پی ) کے سربراہ نریندر مودی نے گزشتہ روز تیسری مرتبہ بھارت کے وزیر اعظم کے عہدے کا حلف اٹھایا تھا، بھارتی صدر دروپدی مرمو نے راشٹرپتی بھون میں ایک پر وقار تقریب میں نریندر مودی اور ان کی کابینہ سے حلف لیا۔
مزید پڑھیں
بھارتی میڈیا کے مطابق تقریب حلف برداری سے قبل سیکیورٹی حکام نے دہلی میں سیکیورٹی انتظامات کو انتہائی سخت کر رکھا تھا، پولیس، فوج اور ٹریفک اہلکاروں کی اضافی تعیناتی کے ساتھ ساتھ صدارتی رہائش گاہ کے اردگرد انتہائی جدید سیکیورٹی آلات بھی نصب کیے گئے تھے، اس موقع پر دارالحکومت کو ‘نو فلائی زون’ بھی قرار دیا گیا تھا۔
واضح رہے کہ دونوں ہم منصبوں کی جانب سے ایک دوسرے کو وزیر اعظم بننے پر مبارکباد دینے کے ضمن میں ایک سطر پر مشتمل انتہائی روایتی تہنیتی پیغام ایکس پر پوسٹ کیا گیا ہے، رواں برس مارچ میں نریندر مودی کی جانب سے لکھا پیغام 13 الفاظ جبکہ شہباز شریف کا پیغام بمشکل 12 الفاظ پر مشتمل ہے۔
Congratulations to @CMShehbaz on being sworn in as the Prime Minister of Pakistan.
— Narendra Modi (@narendramodi) March 5, 2024
عمران خان کیخلاف عدم اعتماد کی تحریک کے نتیجہ میں پاکستان ڈیموکریٹک موومنٹ کے مشترکہ امیدوار کی حیثیت سے وزیر اعظم کا حلف اٹھانے کے بعد شہباز شریف کو وزیر اعظم نریندر مودی نے اپریل 2022 میں 46 الفاظ پر مشتمل تہنیتی پیغام بھیجا تھا۔
