وفاقی حکومت نے بجٹ 25-2024 میں پیٹرولیم مصنوعات پر پیٹرولیم ڈیویلپمنٹ لیوی( پی ڈی ایل) بڑھا دیا ہے جس سے آئندہ پیٹرولیم مصنوعات کی قیمتوں میں بڑا اضافہ متوقع ہے۔
بجٹ دستاویزات کے مطابق حکومت نے پیٹرول پر ڈیویلپمنٹ لیوی 60 روپے سے بڑھا کر 80 روپے کرنے کی تجویزدی ہے۔
بجٹ دستاویزات کے مطابق ڈیزل پر پیٹرولیم ڈیویلپمنٹ لیوی 60 روپے سے بڑھا کر 80 روپے، ہائی سپیڈ ڈیزل پر لیوی 60 سے بڑھا کر 80 روپے کرنے کی تجویز ہے جب کہ مٹی کے تیل پر پی ڈی ایل 50 روپے فی لیٹر برقرار رکھنے کی تجویزہے، اسی طرح لائٹ ڈیزل آئل پر لیوی 50 سے بڑھا کر 75 کرنے کی تجویزپیش کی گئی ہے۔