پاکستانی شوٹر کشمالہ طلعت نے پیرس اولمپکس میں کوالیفائی کرلیا ہے اور وہ گولڈ میڈل جیتنے کے لیے پُرامید ہیں۔
بچپن سے ہی اپنے بھائی کے ساتھ کرکٹ اور فٹ بال کھیلنے والی کشمالہ طلعت اب مہارت سے گن چلاتی ہیں۔
مزید پڑھیں
میڈیا سے گفتگو کرتے ہوئے انہوں نے کہاکہ یہاں آکر مجھے لگا کہ اب دقیانوسی روایت ختم ہوگئی ہے کیونکہ ہمارے ہاں یہ بات بہت مشہور ہے کہ لڑکیاں گھر میں بیٹھ کر لڑکیوں والے کام کریں اور لڑکے بس کھلونا گن سے کھیلیں۔
انہوں نے کہاکہ میری خواہش ہے کہ جب بھی شوٹنگ کے مقابلوں کا ذکر ہو وہاں میرا نام ضرور آئے۔ ’جب میں نے شوٹنگ کا آغاز کیا تو تب دل میں حسرت تھی کہ عالمی سطح کے مقابلوں میں شرکت کروں اور لوگ مجھے یاد کریں‘۔
دوسری جانب اہم اعزاز اپنے نام کرنے والی کشمالہ طلعت کی والدہ ثمینہ یعقوب کہتی ہیں کہ بیٹی نے ان کا سر فخر سے بلند کردیا ہے۔
ثمینہ یعقوب نے کہاکہ میں اللہ کا شکر ادا کرتی ہیں، خوشی کا یہ لمحہ ہمارے لیے ناقابل یقین ہے۔
انہوں نے مزید کہاکہ میرے لیے یہ اعزاز ہے کہ میری بیٹی عالمی سطح پر پاکستان کا پرچم بلند کرنے کی وجہ بن رہی ہے۔
