پی سی بی نے پاکستان مینز کرکٹ ٹیم کے ہوم انٹرنیشنل سیزن 2024-25 کی تفصیلات جاری کردیں۔
پاکستان ہوم گراؤنڈ پر بنگلہ دیش، انگلینڈ اور ویسٹ انڈیز کے خلاف 7 ٹیسٹ میچز کھیلے گا۔یہ ٹیسٹ میچز کراچی راولپنڈی اور ملتان میں کھیلے جائیں گے۔
یہ بھی پڑھیں:بابر اعظم کو کپتانی سے ہٹانے کا فیصلہ ہوگیا؟ چیئرمین پی سی بی نے مستقبل کے ارادے بتادیے
پاکستان 21 سال میں پہلی بار سہ فریقی ون ڈے سیریز بھی کھیلے گا۔ شریک ٹیمیں جنوبی افریقہ اور نیوزی لینڈ ہونگی۔ سہ فریقی ون ڈے سیریز کے تمام میچ ملتان میں کھیلے جائیں گے۔
پاکستان 19 فروری 2025 سے 9 مارچ 2025 تک آئی سی سی چیمپئنز ٹرافی کی میزبانی بھی کرے گا۔ پاکستان کرکٹ ٹیم اس سال کے اواخر میں آسٹریلیا۔ زمبابوے اور جنوبی افریقہ کا دورہ کرے گی۔
Look who will be visiting Pakistan in the 2024-25 cricket season 🤩
More details 👉 https://t.co/FkPqoQCP6G#PAKvBAN | #PAKvENG | #PAKvWI pic.twitter.com/2HplpIxoZ4
— Pakistan Cricket (@TheRealPCB) July 5, 2024
غیرملکی شائقین آئیں کرکٹ سے لطف اندوز ہوں
چیئرمین پی سی بی محسن نقوی کا کہنا ہے کہ 2024-25کے ہوم انٹرنیشنل سیزن میں 12 ٹیموں کی میزبانی پاکستانی قوم کی کرکٹ سے محبت اور پی سی بی کی پیشہ ورانہ صلاحیت کی عکاسی کرتی ہے۔ غیرملکی شائقین آئیں، کرکٹ سے لطف اندوز ہوں اور خوبصورت پاکستان کی سیر سے بھی لطف اندوز ہوں۔
یہ بھی پڑھیں:چیمپیئنز ٹرافی 2025: پی سی بی نے ڈرافٹ آئی سی سی کو بھجوا دیا مگر پاک بھارت میچ کا کیا ہوگا؟
پاکستان کھیل کے فروغ کے لیے پرعزم ہے
چیئرمین پی سی بی کے مطابق آئی سی سی چیمپئنز ٹرافی کی میزبانی بین الاقوامی کرکٹ میں پاکستان کی اہمیت کو اجاگر کرتی ہے۔ کرکٹ برادری میں پاکستان اہم ملک ہے اور وہ تمام رکن ممالک اور آئی سی سی کے ساتھ کھیل کے فروغ کے لیے پرعزم ہے۔
پاکستان کیخلاف اسی کے میدان میں کھیلنا چیلنج سے کم نہیں ہوگا، نجم الحسین
دورہ پاکستان سے متعلق متعلقہ ممالک کے کرکٹ آفیشلز کا کہنا ہے کہ پاکستان میں آکر کھیلنے پر خوش ہیں۔ اس حوالے سے بنگلہ دیشی کپتان نجم الحسین شانتو کا کہنا ہے کہ پاکستان ٹیم کے خلاف اسی کے میدان میں کھیلنا چیلنج سے کم نہیں ہوگا۔
