کراچی میں نامعلوم افراد نے فائرنگ کی ہے جس کے نتیجے میں ڈی ایس پی سی ٹی ڈی علی رضا شہید ہوگئے۔
پولیس نے بتایا ہے کہ نامعلوم افراد نے ڈی ایس پی سی ٹی ڈی کو کریم آباد کے قریب فائرنگ کا نشانہ بنایا جس سے وہ زخمی ہوگئے تھے۔
یہ بھی پڑھیں دہشتگردی میں ملوث ’را‘ کے 2ایجنٹس کراچی سے گرفتار
پولیس کے مطابق ڈی ایس پی علی رضا کو عباسی شہید اسپتال میں طبی امداد دی جارہی تھی جہاں پر وہ دم توڑ گئے۔
پولیس کے مطابق جائے وقوعہ سے نائن ایم ایم کی گولیوں کے 11 خول ملے ہیں، جبکہ فائرنگ کے دوران زخمی ہونے والا شخص عمارت کا سیکیورٹی گارڈ ہے۔
ریسکیو ذرائع نے بتایا ہے کہ ڈی ایس پی سی ٹی ڈی علی رضا کے سر میں گولی لگی ہے جو جان لیوا ثابت ہوئی۔
یہ بھی پڑھیں محرم الحرام، سندھ بھر میں دفعہ 144 نافذ، کراچی میں ڈبل سواری پر پابندی
دوسری جانب وزیراعلیٰ سندھ مراد علی شاہ نے دہشتگردی کے واقعہ کا نوٹس لے لیا ہے، انہوں نے ڈی آئی جی سی ٹی ڈی اور ایس ایس پی سینٹرل سے واقعہ کی رپورٹ طلب کرلی ہے۔
