وزیراعلیٰ پنجاب مریم نواز نے حنا پرویز بٹ کو اہم عہدے پر تعینات کردیا ہے۔
وزیراعلیٰ پنجاب مریم نوازشریف نے ممبر پنجاب اسمبلی حنا پرویز بٹ کو 3 سال کے لیے چیئرپرسن پنجاب ویمن پروٹیکشن اتھارٹی تعینات کیا ہے، پنجاب ویمن پروٹیکشن اتھارٹی کے چیئرپرسن کی تعیناتی پنجاب ویمن پروٹیکشن ایکٹ 2017 کے تحت کی گئی ہے۔
یہ بھی پڑھیں : ’مریم نواز کی ٹیم کو ٹف ٹائم دیتے ہوئے‘، حنا پرویز بٹ کی ٹک ٹاک کیوں وائرل ہوگئی؟
چیئرپرسن حنا پرویز بٹ آج ہی اپنے عہدے کا حلف اٹھائیں گی۔
ویمن پروٹیکشن اتھارٹی کے ممبران میں ایم پی اے کنول پرویز چوہدری، ایم پی اے شازیہ رضوان، ایم پی اے تاشفین صفدر اور ایم پی اے نیلم جبار چوہدری شامل ہیں۔
یہ بھی پڑھیں : ’یہ سرکاری خرچ پر چین جا کر لگائی جانے والی لکیریں ہیں‘ حنا پرویز بٹ پر صارفین کی تنقید
سیکریٹری داخلہ پنجاب، آئی جی پنجاب پولیس، سیکریٹری سوشل ویلفیئر، سیکریٹری ویمن ڈویلپمنٹ اور سیکریٹری پولیس پراسیکیوشن ڈیپارٹمنٹ بھی ممبران میں شامل ہیں
