اپوزیشن لیڈر و رہنما سنی اتحاد کونسل عمر ایوب نے شاہد خاقان عباسی اور مفتاح اسماعیل کو ان کی نئی سیاسی جماعت ’عوام پاکستان پارٹی‘ بنانے پر مبارکباد دی اور کہا کہ یہ اچھا شگون ہے کہ 2خاندانی جماعتوں کے دائرہ کار سے باہر ایک نئی سیاسی جماعت کا آغاز ہوا ہے۔ عمران خان نے بھی آپ کے اس اقدام کو سراہا ہے۔
Congratulations to Shahid Khan Abbassi and Miftah Ismail on the launch of their new political party ‘Awam Pakistan Party’.
It is a good omen that a new political party has been launched outside the domain of the 2 family parties.
We wish the new political party members all…
— Omar Ayub Khan (@OmarAyubKhan) July 11, 2024
سوشل میڈیا پلیٹ فارم ایکس پر پوسٹ کرتے ہوئے اپوزیشن لیڈر عمر ایوب نے کہا کہ ہم نئی سیاسی پارٹی کے اراکین کو ان کی کوششوں میں نیک خواہشات کا اظہار کرتے ہیں، عمران خان نے بھی یہی پیغام دیا ہے کہ نئی پارٹی کا خیرمقدم کرتے ہیں۔
مزید پڑھیں: نئی سیاسی جماعت ’عوام پاکستان‘ لانچ، وزیراعظم آرمی چیف کے تابع نہیں ہوسکتا، شاہد خاقان عباسی
عمر ایوب نے کہا کہ جب ہم نے آج اڈیالہ جیل میں عمران خان سے ملاقات کی تو سابق وزیراعظم نے بھی ’عوام پاکستان پارٹی‘ کے قیام کو سراہا ہے، اور نیک خواہشات کا اظہار کیا ہے۔
واضح رہے گزشتہ ہفتے شاہد خاقان عباسی اور مفتاح اسماعیل نے اپنی نئی جماعت عوام پاکستان پارٹی لانچ کی، اس موقع پر شاہد خاقان عباسی نے کہا کہ پاکستان میں یہ تاثر عام ہوچکا ہے کہ اسٹیبلشمنٹ کے بغیر سیاست نہیں ہوسکتی، ہمارا اسٹیبلشمنٹ سے تعلق نہیں ہے۔
مفتاع اسماعیل نے کہا تھا کہ مڈل کلاس پاکستانی کو مارا جارہا ہے، دنیا میں ٹیکس کے نظام کے 2 اصول ہیں کہ جن کی آمدن برابر ہو وہ برابر ٹیکس دیں، 50 ہزار تنخواہ پر حکومت کہتی ہے ٹیکس دو، مگر 2 ہزار ایکڑ اراضی رکھنے والے جاگیردار سے حکومت ٹیکس نہیں لیتی، یہی نظام ہم بدلیں گے۔