کراچی میں بڑھتی گرمی اور ہیٹ ویو کی لہر کے سبب بار ایسوسی ایشن نے کالا کوٹ پہننے سے استثنیٰ مانگ لیا، اس حوالے سے کراچی بار ایسوسی ایشن نے سیشن ججز کو خط لکھ دیا۔
جنرل سیکرٹری کراچی بار نے سیشن ججز کو لکھے خط میں درخواست کی کہ موسم کی شدت کی وجہ سے وکلا کو 10روز کے لیے کالا کوٹ پہننے سے استثنیٰ دیا جائے، کراچی ان دنوں غیر معمولی ہیٹ وے کا شکار ہے۔
مزید پڑھیں: گرمی سے ستائے اہلِ کراچی کو بارش کب نصیب ہوگی؟
کراچی بار کے مطابق اس ہیٹ ویو میں وکلا کے لیے کالا کوٹ پہننا کسی چیلنج سے کم نہیں ہے، اور کالا کوٹ پہن کر کام کرنا مشکل ہوچکا ہے۔ اگر اجازت دی جائے گی تو تمام وکلا کے لیے آسانی ہوگی۔
کراچی بار کے مطابق گرمی کی شدت میں کوٹ پہن کر کام کرنا صحت کے لیے نقصان دے ہورہا ہے، وکلا کو 10دن کے لیے بغیر کوٹ کے پیش ہونے کی اجازت دی جائے۔