امسال ماہ رمضان المبارک میں وزیراعظم شہباز شریف نے پورے پاکستان میں، ہر مستحق گھرانے کو 10 کلو گرام آٹا کے 3 تھیلے مفت فراہم کرنے کا اعلان کیا۔ اس کے بعد ملک کے طول و عرض میں مفت آٹا اسکیم کے ہر مقام پر لوگوں بالخصوص خواتین کی طویل قطاریں دیکھنے کو مل رہی ہیں۔ بعض مقامات پر آٹا حاصل کرنے والوں کی قطاروں میں بھگڈر مچنے سے ہلاکتوں کے افسوس ناک واقعات بھی رونما ہوئے۔
مفت آٹا اسکیم حاصل کرنے کی تگ و دو میں شریک مرد و خواتین کی طویل قطاریں وفاقی دارالحکومت اسلام آباد میں بھی دیکھنے کو مل رہی ہیں۔ ذیل میں اسلام آباد کے سیکٹرE-11 میں میں آٹا تقسیم کے ایک مقام کے مناظر وی نیوز کے فوٹو گرافر شاہد قریشی کے کیمرے کے ذریعے آپ دیکھ سکتے ہیں:
