معروف اسٹیج اداکار اور پاکستان مسلم لیگ ن کے کلچرل ونگ کے صدر طاہر انجم پر پاکستان تحریک انصاف (پی ٹی آئی) کی خاتون کارکن کا تشدد، مکوں اور تھپڑوں کی بارش کر دی، گاڑی سے باہر کھینچنے کی کوشش میں کپڑے بھی پھاڑ دیے۔
معروف اسٹیج اداکار اور مسلم لیگ ن کے رہنما طاہر انجم پر پی پی ٹی آئی کی خاتون ورکر کے تشدد کا بدھ کو اس وقت پیش آیا جب وہ پنجاب اسمبلی کے سامنے پاکستان تحریک انصاف (پی ٹی آئی ) کے بھوک ہڑتالی کیمپ کے قریب سے گزر رہے تھے۔
طاہر انجم پر تشدد کی منظر عام پر آنے والی ویڈیو اور وہاں پر موجود عینی شاہدین کے مطابق اس وقت پاکستان تحریک انصاف (پی ٹی آئی) کا بھوک ہڑتالی کیمپ پنجاب اسمبلی کے سامنے لگاہوا ہے جس میں پی ٹی آئی کے رہنما اور کارکن وقتاً فوقتاً آ جا رہے ہوتے ہیں اور اس دوران یہاں سے گزرنے والے اکثر لوگ اس بھوک ہڑتالی کمپ کی ویڈیوز بھی بنا لیتے ہیں۔
عینی شاہدین کا کہنا ہے کہ بدھ کو جب پاکستان مسلم لیگ ن کے کلچرل ونگ کے صدر اور اداکار طاہر انجم بھوک ہڑتالی کمیپ کے سامنے گاڑی میں بیٹھے ہوئے تھے کہ تو اچانک ادکار طاہر انجم کو پی ٹی آئی کی خواتین کارکنوں نے دیکھ لیا اور کہنا شروع کر دیا کہ یہ شخص تو اکثر پی ٹی آئی کے خلاف ویڈیو بناتا ہے۔اس پر انیلا نامی ایک خاتون ورکر نے طیش میں آکر طاہر انجم پر حملہ کر دیا۔
طاہر انجم پر تشدد کی منظر عام پر آنے والی ویڈیو میں دیکھا جا سکتا ہے کہ انیلا نامی خاتون انہیں تھپڑوں اور مکوں سے تشدد کا نشانہ بنا رہی ہیں اور ساتھ ہی گاڑی سے باہر کھینچنے کی کوشش کر رہی ہیں، اس دوران خاتون ان کے کپڑے بھی پھاڑ دیے۔
خاتون کو یہ کہتے ہوئے بھی سنا جا سکتا ہے کہ یہ شخص میرے لیڈر عمران خان کے خلاف ویڈیو بناتا ہے، میرا لیڈر جیل میں ہے اور یہ اس کے خلاف بولتا ہے، یہ مریم نواز کا بندہ ہے۔
خاتون جب زیادہ مشتعل ہو گئیں اور لوگوں کی خاصی تعداد وہاں اکٹھی ہو گئی تو پولیس بھی وہاں موقع پر پہنچ گئی، خاتون نے پولیس اہلکاروں کو بھی دھکے دیے اور پیچھے ہٹ جانے کو کہا تاہم انیلا پری نامی اس خاتون کو پولیس نے مشکل سے ہٹایا اور ادکار طاہر انجم کو وہاں سے فوری چلے جانے کو کہا۔ سوشل میڈیا پر اس واقعے کی شدید مذمت بھی کی جا رہی ہے۔
