وزیراعظم پاکستان شہباز شریف نے بجلی کے بل ادا کرنے کی مقررہ تاریخ میں 10 روز کی توسیع کی ہدایت کردی۔
پاور ڈویژن کی جانب سے جاری اعلامیہ کے مطابق وزیراعظم کی ہدایت کے بعد بجلی کی تمام تقسیم کار کمپنیوں کو احکامات جاری کردیے گئے ہیں۔
یہ بھی پڑھیں کیا حکومت بجلی بلنگ کا ناقص نظام ختم کر رہی ہے؟
اعلامیہ کے مطابق جولائی اور اگست 2024 کے بلوں کی ادائیگی کی مقررہ تاریخ میں 10 روز کی توسیع ہوگی۔
اعلامیہ میں کہا گیا ہے کہ وزیراعظم شہبازشریف نے بجلی صارفین کی مشکلات کے پیش نظر ہدایات جاری کیں۔
واضح رہے کہ ملک میں بجلی کے بلوں کا مسئلہ سنگین صورت اختیار کرگیا ہے، بجلی کے بل کے تنازع پر بھائی نے بھائی کو قتل کیا ہے، جبکہ گوجرانوالہ میں ایک خاتون خودکشی بھی کرچکی ہے۔
