بنگلہ دیش کی صورتحال پر حکومتِ پاکستان کا پہلا باضابطہ بیان سامنے آیا ہے، جس میں بنگلہ دیشی عوام سے یکجہتی کا اظہار کرتے ہوئے امید ظاہر کی گئی ہے کہ بنگلہ دیشی عوام کا اتحاد انہیں جلد ایک متوازن مستقبل کی جانب لے جائے گا۔
یہ بھی پڑھیں: حسینہ واجد کو محفوظ راستہ دیے جانے پر بنگلہ دیشی فوجی افسران برہم
دفترِ خارجہ کی ترجمان ممتاز زہرہ بلوچ کا کہنا ہے کہ پاکستان کی حکومت اورعوام بنگلہ دیشی عوام کے ساتھ کھڑے ہیں، امید ہے بنگلہ دیش میں حالات جلد معمول کے مطابق بحال ہوجائیں گے، انہوں نے امید ظاہر کی کہ بنگلہ دیشی عوام کا جذبہ اور اتحاد انہیں متوازن مستقبل سے ہم آہنگی کی جانب لے جائے گا۔
مزید پڑھیں:بنگلہ دیش میں حکومت کا خاتمہ، بھارتی میڈیا کی پاکستان پر چڑھائی
واضح رہے کہ بنگلہ دیشی وزیراعظم حسینہ واجد ایک ماہ سے جاری طلبا کے احتجاج کے بعد گزشتہ پیر کو ملک سے فرار ہوگئی تھیں جس کے بعد فوج نے اقتدار سنبھالتے ہی عبوری حکومت بنانے کا اعلان کیا تھا، گزشتہ روز احتجاجی طلبا کی جانب سے چند گھنٹوں کے الٹی میٹم کے بعد صدر مملکت شہاب الدین نے پارلیمنٹ کو تحلیل کرنے کا اعلان کردیا تھا۔
