پیرس اولمپکس میں شاندار کارکردگی دکھانے اور ملک کا نام روشن کرنے والے ارشد ندیم اس وقت ہر ایک کی آنکھ کا تارا ہیں، اور ان کی اس کامیابی کو جہاں ہرکسی نے سراہا ہے وہیں، اپنے ساتھ منسوب کرنے اور کریڈٹ لینے کی کوششوں میں بھی مصروف ہے۔، گزشتہ رات وزیر اعظم ہاؤس کے بھی کچھ اسی طرح کے مناظر تھے۔
گزشتہ رات اولمپکس میں جیولن تھرو کے بڑے مقابلے کو پورا پاکستان ہی براہ راست دیکھ رہا تھا عین اس وقت وزیر اعظم پاکستان محمد شہباز شریف بھی چیئرمین وزیر اعظم یوتھ پروگرام رانا مشہور کے ہمراہ ارشد ندیم کی کارکردگی کو جانچ رہے تھے، جس کی ویڈیو بھی سوشل میڈیا پر وائرل ہے۔
View this post on Instagram
اس دوران جب اولمپکس انتظامیہ کی جانب سے اعلان کیا گیا کہ ارشد ندیم نے گولڈ میڈل حاصل کرلیا ہے اور اولمپکس میں ایک نیا ریکارڈ بھی قائم کردیا ہے، تو وزیر اعظم شہباز شریف خوشی کا اظہار کرتے ہوئے اپنی کرسی سے اٹھ کھڑے ہوئے اور دونوں ہاتھ اوپر اٹھا کر خوشی کا اظہار کیا۔
مزید پڑھیں: کرکٹ چھوڑ کر جیولین تھرو تک کیسے آئے؟ ارشد ندیم نے اپنے سفر کی کہانی سنادی
وزیر اعظم کے ہمراہ بیٹھے رانا مشہود بھی اٹھ کھڑے ہوئے اور وزیر اعظم کو مبارک باد پیش کرتے ہوئے کہا کہ آپ کو مبارک ہو کیونکہ یہ آپ کا ہی ویژن تھا۔
انہوں نے وزیر اعظم سے مصافحہ کرتے ہوئے کہا کہ آپ نے ہی ارشد ندیم کو ویژن دیا اور پرفارم کرنے کا موقع فراہم کیا۔ جس پر شہباز شریف نے خوشی کا اظہار کرتے ہوئے رانا مشہود کو بھی مبارکباد پیش کی۔
واضح رہے وزیر اعظم شہبازشریف نے ارشد ندیم کی کارکردگی کو براہ راست دیکھا اور سراہا، اس سے قبل بھی انہوں نے ارشد ندیم کی حمایت کی تھی اور وزیر اعظم ہاؤس میں بلا کر ان سے ملاقات کی تھی اور ان کے ویژن کو سراہا تھا۔
