موجودہ قومی اسمبلی کا 9 واں اجلاس 26 اگست کو طلب کر لیا گیا۔ قومی اسمبلی سیکریٹریٹ نے نوٹیفکیشن جاری کر دیا۔
یہ بھی پڑھیں:اسپیکر قومی اسمبلی کا خاتون کے لباس سے متعلق بیان پر نوٹس، کمیٹی قائم
جاری نوٹیفکیشن کے مطابق صدرِ مملکت آصف علی زرداری نے اجلاس 26 اگست کو شام 5 بجے پارلیمنٹ ہاؤس میں طلب کیا ہے۔
قومی اسمبلی کا طلب کیا جانے والا یہ اجلاس 26 اگست بروز پیر شام 5 بجے ہو گا، جبکہ سینیٹ کا اجلاس27 اگست بروز منگل شام 5 بجے ہو گا۔
صدرِ مملکت نے قومی اسمبلی اور سینیٹ کے اجلاس آئین کے آرٹیکل 54 کی ذیلی شق ایک کے تحت طلب کیے ہیں۔
واضح رہے کہ قومی اسمبلی کے اجلاس کی طلبی کا نوٹیفیکیشن ایسے موقع پر جاری ہوا ہے، جب پارلیمنٹ کے مشترکہ اجلاس کے حوالے سے خبریں زیرگردش ہیںَ