پاکستان کے معروف اداکار، گلوکار اور رائٹر محسن عباس حیدر نے شوٹنگ سیٹس پر بعض اداکاروں اور عملے کی جانب سے منشیات کے استعمال کے حوالے سے اہم انکشاف کیا ہے۔
حال ہی میں محسن عباس حیدر نے واسع چوہدری کے شو میں شرکت کی جہاں انہوں نے ان اداکاروں کے بارے میں بات کی جو مبینہ طور پر منشیات استعمال کرتے ہیں اور نشے کی حالت میں شوٹنگ سیٹس پر آتے ہیں۔
یہ بھی پڑھیں: والد کے جنازے پر رشتہ دار مہمانوں جیسا طرزعمل دکھا رہے تھے، محسن عباس کا غم و غصہ
محسن عباس حیدر نے کہا کہ میں نے سوشل میڈیا پر ایک سٹیٹس پوسٹ کیا تھا کہ جو اداکار، اداکارائیں یا ڈائریکٹرز نشے کی حالت میں سیٹ پر آتے ہیں انہیں بلیک لسٹ کیا جانا چاہیے۔ چونکہ میں ایک وقت میں صرف ایک پروجیکٹ کرتا ہوں اس لیے فوراً پروڈکشن ہاؤس کی طرف سے مجھے کال آئی کہ محسن آپ ابھی ہمارے سیٹ پر ہی ہیں نا؟ تو پھر یہ سٹیٹس کس بارے میں تھا؟ جس پر میں نے کہا ہاں، اور یہ سٹیٹس اسی سیٹ کے بارے میں ہے۔
View this post on Instagram
پھر انہوں نے پوچھا کہ کیا آپ کسی خاص اداکار کے بارے میں بات کر رہے ہیں؟ میں نے کہا جی ہاں۔ اس پر انہوں نے کہا، ٹھیک ہے، ہم اس معاملے کو دیکھتے ہیں۔ محسن نے مزید کہا، ‘آپ خود سوچیں اداکارہ کی آنکھیں مجھ سے مل ہی نہیں کر رہی تھیں۔ میں اس سے بات کر رہا تھا لیکن اس کی نظریں کسی اور طرف تھیں۔ ہمیں ایسی چیزوں کو پروموٹ نہیں کرنا چاہیے جو معاشرے میں بگاڑ پیدا کریں۔
یہ بھی پڑھیں: 21 سال بعد پتا چلا، گالیاں دینے والے اداکار ٹھیک رہتے ہیں، محسن عباس حیدر
واسع چوہدری نے پھر پوچھا کہ کیا اس معاملے کو دیکھا گیا؟ جس پر محسن عباس حیدر نے جواب دیا جی بالکل۔
یہ بات قابل ذکر ہے کہ محسن نے یہ سٹیٹس جنوری 2025 میں پوسٹ کیا تھا، جب ڈرامہ سیریل توبہ جیو ٹی وی پر نشر ہو رہا تھا۔ اس ڈرامے میں مومنہ اقبال، علی زید، میکال ذوالفقار اور دیگر معروف اداکار بھی شامل تھے اور غالب امکان ہے کہ محسن اسی پروجیکٹ کی طرف اشارہ کر رہے تھے۔
