وزیراعظم پاکستان شہباز شریف نے وفاقی حکومت کے دفاتر کو پیپرلیس بنانے کے لیے وزارت انفارمیشن ٹیکنالوجی اور متعلقہ اداروں کو ٹاسک سونپ دیا۔
وزیراعظم نے ہدایت کی ہے کہ ایک ماہ کے اندر تمام دفتری فائلز پر کام ای آفس کے ذریعے یقینی بنایا جائے، آئندہ ماہ سے کوئی بھی فائل ای آفس کے علاوہ نہیں دیکھوں گا۔
یہ بھی پڑھیں آئی ٹی پارک کی تکمیل سے 10 ہزار افراد کو ملازمت کے مواقع ملیں گے، وزیراعظم شہباز شریف
انہوں نے کہاکہ وفاقی سرکاری دفاتر میں ای آفس کے نفاذ میں کسی قسم کی سست روی قبول نہیں، نظام میں شفافیت اور تیزی لانے کے لیے ای آفس کا نفاذ حکومت کی اولین ترجیحات میں سے ایک ہے۔
وزیراعظم نے کہاکہ یقینی بنایا جائے کہ تمام سرکاری دفاتر میں افسران ای آفس کے ذریعے فائلز بھیجیں۔
انہوں نے کہاکہ ای آفس پاکستان میں ڈیجیٹائیزیشن کے فروغ اور گورننس کی بہتری کے لیے نہایت کلیدی اقدام ہے۔
وزیراعظم نے آئندہ 2 ہفتوں میں ای آفس کے نفاذ پر پیشرفت پر رپورٹ پیش کرنے کی بھی ہدایت کی۔
یہ بھی پڑھیں چین نے ٹیکنالوجی کے فروغ کا منصوبہ پیش کر دیا، پاکستان کی وزیر مملکت برائے آئی ٹی بیجنگ روانہ
واضح رہے کہ وزیراعظم کی ہدایت پر وزیراعظم آفس کے اسٹاف کی گزشتہ ہفتے ای آفس کی ٹریننگ مکمل کرلی گئی ہے، وزیراعظم شہباز شریف نے گزشتہ ہفتے بذاتِ خود ای آفس پر فائلز موصول کیں۔
