اسلام آباد ہائیکورٹ نے کالم نگار عطاالحق قاسمی اور جنگ گروپ کو 10 لاکھ روپے بطور ہرجانہ سابق سفیر شیر افگن خان کو ادا کرنے کا حکم دیا ہے۔
اسلام آباد ہائیکورٹ کے جسٹس سردار اعجاز اسحاق خان نے تحریری فیصلہ جاری کردیا۔ فیصلے کے مطابق کالم نگار عطاالحق قاسمی جھوٹا کالم لکھنے پر 5 لاکھ روپے ہرجانہ ادا کریں گے جبکہ بقیہ 5 لاکھ روپے جنگ گروپ ادا کرے گا۔
مزید پڑھیں:عطاء الحق قاسمی کی ایم ڈی پی ٹی وی تعیناتی کے خلاف فیصلے پر نظرثانی اپیلیں سماعت کے لیے مقرر
فیصلے کے مطابق عطاالحق قاسمی اور جنگ گروپ جنگ اخبار میں معذرت چھاپنے کے پابند بھی ہوں گے۔
واضح رہے کہ عطاالحق قاسمی نے یکم مئی 2008 کو روزنامہ جنگ چھپنے والے کالم میں سابق سفیر شیر افگن خان پر الزامات عائد کیے تھے، کالم میں کہا گیا تھا کہ 1999 میں شیر افگن خان پاکستانی سفارتخانے کی عمارت 34 ملین میں بیچنا چاہتے تھے۔
