سپریم کورٹ آف پاکستان سے 2 کمپوٹر سسٹم چوری ہوگئے۔
ذرائع کے مطابق، سپریم کورٹ سے 2 کمپیوٹر سسٹم چوری کیے گیے ہیں، چوری کی اس واردات میں سپریم کورٹ کے ملازمین ملوث ہوسکتے ہیں۔
یہ بھی پڑھیں: سپریم کورٹ، جہاں درخواست مسترد کیے جانے کی کوششوں کے باوجود ایسا نہ ہوسکا
ذرائع نے بتایا کہ سی سی ٹی وی کیمروں میں 2 ملازمین زاہد اقبال اور فیصل خان کی حرکات مشکوک پائی گئیں، زاہد اقبال سیکرٹری ٹو چیف جسٹس کا ڈرائیور ہے جبکہ فیصل خان سپریم کورٹ میں بطور نائب قاصد تعینات ہے۔
ڈائریکٹر آئی ٹی سپریم کورٹ کی درخواست پر تھانہ سیکرٹریٹ نے مقدمہ درج کرلیا ہے۔
