پاکستان تحریک انصاف (پی ٹی آئی) کے چیئرمین بیرسٹر گوہر نے وزیراعلیٰ خیبرپختونخوا علی امین گنڈاپور کی صحافیوں سے متعلق گفتگو پر غیر مشروط معافی مانگ لی۔
میڈیا سے گفتگو کرتے ہوئے انہوں نے کہاکہ علی امین گنڈاپور کی گفتگو سے جن صحافیوں کی دل آزاری ہوئی ان سے غیر مشروط معافی مانگتا ہوں۔
یہ بھی پڑھیں کور کمانڈر ہاؤس جانے پر شروع ہونے والی بات شکیل خان کے استعفے تک کیسے پہنچی؟
انہوں نے کہاکہ میں نے علی امین گنڈاپور کی صحافیوں سے متعلق گفتگو سنی نہیں، تاہم شاید انہوں نے جو کہا وہ کسی ایک صحافی سے متعلق ہے۔
چیئرمین پی ٹی آئی بیرسٹر گوہر نے علی امین کی صحافیوں سے متعلق گفتگو پر غیر مشروط معافی مانگ لی pic.twitter.com/1aVcnTFGiD
— WE News (@WENewsPk) September 9, 2024
واضح رہے کہ وزیراعلیٰ خیبرپختونخوا علی امین گنڈاپور نے گزشتہ روز جلسے سے خطاب کرتے ہوئے صحافیوں سے متعلق نازیبا الفاظ استعمال کیے تھے۔
یہ بھی پڑھیں عمران خان کے لیے مرنا بھی ہے، لڑنا بھی ہے، علی امین گنڈاپور
علی امین گنڈاپور کے نازیبا الفاظ پر ملک بھر کی صحافتی تنظیموں نے شدید احتجاج کرتے ہوئے وزیراعلیٰ خیبرپختونخوا سے معافی مانگنے کا مطالبہ کیا تھا۔
